ÉLEGI GELEBEG
Laporan Prayoga
Adiwisastra
Gelebeg |
Angkeuhan
mulang ka lembur harita téh rék sakalian mipit deui panineungan tina ranggeuyan
pangalaman lawas. Nganteng kénéh dina lelembutan, mangsa keur leutik ku indung jeung bapa
sok remen diajak tumpak gelebeg ka imah
Aki di lembur. Harita
diuk téh sok di hareup gigireun kusir, kajurung ku kapanasaran hayang nempo
kusir ngadalikeun kuda. Gelebeg téh mideng metet pisan ku nu tarumpak jeung
babawaanana ti pasar. Sakapeung sok karunya ningali kuda nu ngaregéh mangsa
nyorang tanjakan. Bet ayeuna kabéjakeun gelebeg
jumlahna geus ngurangan.
Beu, kumaha teuing nasibna?
Barang
anjog ka parapatan Pasar Kecamatan Pléréd,
Kabupatén Purwakarta, enya baé délman jeung ojég mani ngajalajar di sisi jalan.
Tayohna mah tepi ka nyontang jalan raya. Ku kituna,
teu matak héran mun lebah dinya remen macét téh. Kawuwuh
hawa beurang nyongkab kacida, turta haseup kandaraan sarta kekebul beuki
nambahan karungsing tengahing
beurang bayeungyang.
Delman |
Tétéla
masih aya gelebeg téh di antara ngajalajarna délman jeung ojég, sok sanajan harita nu kasampak téh ngan
kari hiji. Tapi moal
kasamaran, da gelebeg mah wangunna rada
béda
jeung délman. Bédana, gelebeg mah wangunna masagi cara gorobag, ogé titincakan
paranti turun unggah nu tarumpakna aya ukur aya di kénca jeung di katuhu, teu
cara délman nu titincakanana aya di tukang, di kénca, jeung di katuhu. Salian
ti éta, dina gelebeg mah nu tarumpak téh diukna malik ka hareup siga kusir,
kumaha wé cara dina beus, da kapan dina délman mah nu tarumpak téh diukna nyanghareup
ka kénca jeung ka katuhu cara dina angkot. Ari nu séjénna, saperti roda, bom,
tihang, jeung tali kadali gelebeg mah sarua baé jeung délman.
Mun
ditengetan mah gelebeg téh aya sasaruanana, nyaéta
sado, kahar, padati, kéréték, nayor, jsb. Anapon dina basa
Indonésia mah aya délman, andong, keréta kuda, jsb. Sok sanajan saliwatan mah wangunna méh sarua,
tapi keukeuh mun dititénan mah aya
bédana saperti nu geus dijéntrékeun tadi. Anapon
sacara guna jeung tanagana mah sarua baé, nyaéta alat transportasi anu maké
tanaga kuda.
Mimiti
ayana gelebeg di Kecamatan Pléréd
téh kurang leuwih ti mimiti taun
1960-an. Mangsa harita aya kawijakan ékonomi ti pamaréntah anu nurunkeun niléy duit
tina Rp. 1.000 jadi Rp. 1. Éta duit téh sok padanyebut duit galabag. Ku kituna,
bisa jadi kecap gelebeg téh asalna tina kecap galabag.
Jaja, salasahiji kusir gelebeg, nétélakeun yén ti taun 2010 gelebeg geus
nyirorot pisan jumlahna, tina jumlah 315 gelebeg, ayeuna nu nyésa téh kurang leuwih ngan kari
40 gelebeg, diantarana 20 jurusan Cipancur, 8 jurusan Sempur, 6 jurusan Warung
Jeruk, jeung 2 jurusan Cianting.
Ari
sabab nyirorotna mah rupa-rupa,
diantarana alatan loba nu pindah pacabakan kana ngojég, karyawan pabrik, jeung
pakasaban séjénna nu ditaksir bakal
leuwih nguntungkeun. Tapi katitén
délman mah sabalikna, jumlahna beuki nambahan baé.
“Penghasilan
kapungkur mah tiasa dugi ka saratus lima puluh rébu. Ayeuna mah paling tilu
puluh rébuan. Seueur ngadaweung. Nuju ramé, ramé. Nuju henteu mah, henteu. Ayeuna mah nu ageung téh upami aya pesenan pawéy. Kapungkur
mah dugi ka tiasa réréongan ngempelkeun artos kanggo kusir nu kacilakaan.”
ceuk Jaja, dibarung ku paroman nu
bangun ngumbar panineungan.
Jaja, kusir gelebeg |
Salian ti beubeunangan nu
ngurangan, Jaja ogé kudu getén méré parab jeung mariksa kaséhatan kudana.
Ceuk kateranganana, dina sapoé kuda téh kudu baé diparaban ku huut tilu kilo, onggok opat kilo, jeung jukut sakarung.
Katambah mariksa kaséhatan kuda tilu bulan sakali ka
nu husus sok mariksana. Teu kawangwang kumaha carana ngokolakeun duit tilu
puluh rébu kana pangabutuh kulawarga, parab, jeung waragad pikeun mariksa kaséhatan
kuda.
Masih nganteng dina panineungan, mangsa gelebeg keur
sumedeng ceuyah, padatarumpak, padamikaresep. Kapireng kénéh sora “Kotoplak, kotoplak.” tina
ladam kuda, turta ngoncrangna sora kusir “Has! Has!”. Bet ayeuna gelebeg geus sakitu nyirorot jumlahna, matak
susah deui mun samangsa-mangsa hayang tumpak
Tidak ada komentar:
Posting Komentar